رحلة شقى

                      رحـلـــة شــقـــى

أثـنـيـت وخـيـول الأمـل تـسـبـق الـريح

                         فـ مجالـدت روح الـعـسـر والـشـدايـد

وصـوت في وجه الرجاء منبت الشـيح

                        لا تخـفي أعـلوم الــظـفــر والـطـرايــد

كــلٍ عـلى جـالـه في مـصــيـفـه سـيـح

                        مـشـتـاه مـرباعــه عـيـــون وقـصـايــد

واثـنـيـت رغـم الـنـور رغـم الـتفاريح

                        رغـم الأثـر فـــيـني بـحـــور وقـلايـــد

ما لـوحت ناري له الضـيـف توضيح

                        يا نار حاتـم مـرفئ الــضـيــف ســايــد

مـديت نـور الـشوف للمـجـد تلـويـح

                       أمـــد شــوفــي فــــالأنـا والـركــايــــــد

مـتـفـحـصٍ حالي أخاديــد تجــريـح

                       أعـصـار في نفــسي يــزيـل الـعــوايـــد

بركان حب وجـوف قـاعة تـباريح

                       وأمـطار شـوق مـحـمـلـه عــــاد نـــايــد

رحــلة شــقـى زادة كثار الدواويح

                      وانــهـار عــشــق وفي ضـفــافي تـعايــد

شـمـلولها ياخذ مع الـنـفـس تسبيح

                      طـمـي وتــراب وطــيــن والـــهـم زايـــد

كــنـت أنتظر ليلة تشع الـتـفـاسيح

                     ويـشــق نــور الـفـجــر كــذب الـجــرايــد

كـنت أنتظر شمـسٍ تقـل المراجيح

                     تـصـلـــب عـمـود الـفـكــر مـــدام حـايـــد

أمنت من شفـت الأمل يسبق الريح

                    فـ مجالـدت روح الــعــســـر والـــشــدايـــد

                     صالح النورزي

                 بديت أحسب

تجيني آخر الرحلة

تقول الرحل ... شـــد الرحل ..

وأنا داكي على يمناي ..

بديت أحسب مسافات الرحيل ... وآخري معهم ؟!!

وأشدّ ... بالترحال

وأنا مجاز لي أسال

وناداني نفير القوم

وأنا آخر رحال القوم

أجَمّـــع كل متساقط

فتات .. بنات .. بقايا عير

كل متساقط .... رحل !!

وزهم به.. على راعيه

وأشيل البعض من باقي ثياب الشيخ ..

 تتساقط ذهب ..؟!!

 من عائدات النفط ..!؟

وأشيل بكل أمانة ..

بكل أمانة .!

 ما بقى ورحل

 يكرر لي الندى ... ويزيد

 وأنا حملي كسر كاهل

 ولا لي كاهلٍ يحمل ..!!

 وأنا في أثرهم باقي

 وأنا في أثرهم باقي

 على عهدي ...؟؟!!!

صالح السنيدي

لا تنام

 ( لا.. تنام )

ـــــــــــــــــــــــــــــــــ

قلت أسافر

في عيونك للحياة

أو.. أبات .. !

لين ألقابك.. وطن ..

أو مدينة للسكون ..

من هدب ود وجفون ..

لا تنام ...

يا وطنا لا تنام ...

قصتك هذي قديمة ..

من مجاميع  وشتات

أو نسميها بوادي   ...

والمراعي للقبائل ...

في حمى سالم وطايل  ..

يا وطنا ..

ضاقت الأرض بأهلها ..

لا تنام ..

وسع أجيوب الفقارى ..

آمن أسراب الحمام ...

لا تنام ...

مد أنوار الطوالع .. في يمينك  ..

يا وطنا ...

قلب هـ المخلص .. ينادي

والثعالب لا تنادي ...

سمنوها ... !! ؟

كف للعيش الرغيد ..

والبوادي ما تحيد ...

والقبائل في جيوبك ...

ما يكفيها .. الفتات ...

من أنابيب الفوات ...

لا تنام  ...

هز .. أطراف الغواني ...

ويتساقط من ذهب ...

لا .. ذهب ..

وش بقالك .. ؟!!

من مواعيد السلب ..

عيب ... عيب

ورجالك علينا ..

لا خطاب .. ولا صلاة ..

مد إيدك للنجوم ...

وعتلي  هام  وشموخ ..

وشوف من أعلى جبل ...

لا تنام ...

قلت سافر ..

يا وطنا ... وين أسافر ... ؟!!!

ــــــــــــــــــــــــــــــــــــــــــــــــــ

شعر // صالح السنيدي

صفحة صخر

             صفحة صخر

(ليت عمري قبل ماشوفك قصــر)

         ليتني.. ماشفت  طيفك.. لو خـيـــــال

هام بي.. حظي  وتقدير القـــــدر؟؟

        وفْــودادك صــرت مـأســور الرحـال

آه .. من دنيا.. ونكران الــبشـــــر

        دنيةٍ .. فــيها خــلاصـي  مَـ المحـــال

 

شــكوتي من ذل.. وأيام الســهــر

        ما خـلـق.. وقــتٍ يراويـني.. الــدلال

عـيشتي صارت على بيت الشعر

        أكــتب أحـروفه.. وتـناغيم.. الـمـثـال

أرتجي ْوصـالـه من أيـام الـصغر

        وفْـ حشايه صـرت مرهـون الوصال

مـا خـلــق ربـي من أمــثالـه بشـر

        كــامــلٍ.. بالــحسن- ولله- الــكــمـال

مــستحيل أنــســاه لو حــالي خطر

        ولو عـلى مــوتي ترى أنت الــمنـال

يا مـلا .. مـالي على  حـكمي بصر

       والـعـمـر مـجهــول وأيـامي تــســال

اكـتبوا شعـري عـلى صفحة صخر

       وجـعـلـوا رمـلٍ عـلى قـبري يــهــال

                                                                

                       صالح السنيدي

هـــــــم اللـــــــيالي

                             هـــــــــم اللـــــيـــــــالـــــــي

بـــانــت لـي الأيـــام مــا كـــان مـخــفــاي

                        وعــرفــت مــن عــسـر الـــزمــان ويــســرهــا

وبـــانــت لـي الأيــام مــع كــل مـســعــاي

                        أســـــري مــع الأحـــــزان لـيــلــة قـــــمــرهــا

ودرب الـمـحـبة والــوفــاء صـار مـنـساي

                     يــا بـــنـــت مــــالـي فـي حــيــاتـي ســمــــرهــا

أعــيــش ( ف ) الأحـزان وجــر بالــنـاي

                    يـــا غـــــربـــــة الأيــــــام دفــــــني قــبـــرهـــا؟!

حــرف الــســعـادة في قــصـيـدي ومعـناي

                   وألا.. أنــــا يا نـــــاس عــــايــــش كـــــدرهـــــا

جــفّــت حــروف الشـعـر مـن يوم لك راي

                  وجـــفّـــت لـيالي العــمـر عـــطــر بــنــحــرهــا

أذكــر زمــان مــــر يــا جــلــسـة الـشــاي

                     يـــوم الــســعــادة  ما خــــذه  مــن عـــمــرهـــا

صــارت دمـوع العــيـن مـجـرى مع الماي

                  يــا حـــــب مــجــــمــولٍ تــعــدى ســـفــرهـــا

أنـــســى لــيــالي الــحــب وأقــول ذكـراي

                وانــسـى قــــوافــي الــشــعــــر يــومٍ ذكــرهــا

يــــا الله وفــق كــل نــجــــمٍ لـــمــســـراي

             هـــــم اللــيــالــي مـــا خـــذنّــي عـــــســــرهـــا

                            صالح  السنيدي

                          

جــــوري الجـــفـــاف

( جـوري .. الجفاف ..)

............................

                         

يا جوري الناي الحزين

مد السهر ...

مد الحروف ..

لا تجمع أوراق ....  الحـسـوف ..

أو مد كفّــك ...  لليباب ..

أجمع سراب ..

قبلك وواعدت السحاب ..

في غابة الوجه الحزين ...

تـهْــت سنين ..

لين .. أصبح أيامي دهــر !!

شب النظر ...

هذي وجه الانتظار ..

كانت على الذكرى وعـد ..

في بيت ... صاروجٍ ... وطين ..

راحت .. بطين .!!!؟؟

شـمـس .. وعـطش ..

جيتك هـنا .. يا موعدي ..

عطشان للناي الحزين ..

لو كذبت ذيك الوعود ..

أهديك أنا في غابتي ...

في غابتي ... تين وعنب ..

بس .. من خشب ..

ما يخدعك غير الضباب ...

ويمني الغابة .. مطر ..

لو تسألي ..

بعد .. النظر ..؟؟؟

حــس الرذاذ ..

كان أكتفت ... كل الوعود ..!!

ويـعْـود الجوري .. عذاب ..

عند .. الجفاف ..

وش بك تخاف ..

خلك هنا .. واقف معي ..

ما تسمعه .. ؟؟!!

ما تسمعه نبض الحروف .

أكيد انك تسمعه ..

هذا الوجع ..!!!

بس .. مو .. معه ..!!

لو تسمعه ..!!

لانــْـك .. بعيد و بالضفاف ..!!

هذا الوجع ..؟!!

شفت الوجع .. ما أصعبه ؟!!

مسكين يا جوري الجفاف ...

الناي يرفض يسمعه !!

وش يدمعه ..!!!

من تاه في حلم السنين ..!!

ـــــــــــــــــــــــــــــــــــــــــــــــــــــــــ

شعر /// صالح السنيدي

إلى فضاء أرحب

                        (   إلى فــضا أرحب )

  واْيــضــاً  إذا أحــسـنـت مـا اْقـول أحـسـنـت

                          لــَنـّي بـــغـــيــت الله يـكــتــب ثــوابــــي

 مــخــلــص وربـــات الــســفــر فـيـك أمـنـت

                          وزوارق الإيــــمــان تــعــبــر عــبــابــي

إلى فـــضــا أرحـــب تــوقـّــيــت وَســكـنــت

                        مـن صــادق الــنـّـيــة لِــثـــمــرة شــبـابـي

وقــنــوت ثـُـلـث اللـّيـل مــرجـي وأذعــنــت

                        حــتـى فــلــق فــجــري وَاْنــا فـي كــتـابي

أرفــع ردا صـــبـــحٍ مـــودّع  وســنـَّــنـــت

                        وَيـــقـيــن شـاعـــر مـنـتــصـف في جنابي

حـتى تـشــيـح  الـشَّـمـس ألــوي وأدمـنــت 

                        وْعــلى ذنـــوبــي وَاتـــــحــدّى ســـرابـــي

مـن بـيـن هـذا وذاك ســادي ولا خـــنـــت

                         دايـــم عــلـى شـــرعـــي ولا رد هـــابــي

أســرفــت في نــفــسي واْنا ظـنـّني كـنـت

                         اْشــوف قـــــبــري واتــبــرزخ  عـــذابي

أســفــرت عـن تاريخ يا لايــمي واْنـــت

                        قــلــت المــؤرخ يــنـحــني عــنـــد بــابـي

وفــقـيـر حــظ وساذجٍ  خـفــت لا هــنـت

                        أرعى الــيــبــاب وآخـــذه فـي حـــســابي

حــتى ربا ذنـبي عـلى( صيح) وأعـلـنت

                       بْكـلام( يــونس) فالّــظُـلَــمْ واعـــتـــلا بـي

كانــت( كـلــيـّة) في فــؤادي ولا بـنــت

                        وظــمــيــري الــغـائــب صحا في عـتابي

                             صالح النورزي